هنكلم انهردة عن فطاير السبانخ بصراحة انا بحبهاا اووى وكنت على طول بعملها لابنى واخويا لانهم مش بيحبو الاكل اووى غير انها بتريح الواحد فى عدم التفكير فى سندوتش اية انهردة فاهميين
نبدا بالرحمن ونقول
مقادير العجينة ( ممكن عجينة الفينو من الفرن الى مش عاوز يتعب )
المقادير العجينة
كيلو دقيق
4 اكواب زبادى
6 معالق حليب بودرة
4 معالق سكر
بيضتين
¾ كوب زيت (ذرة ,زيتون)
المية او لبن حسب العجن والعجينة بتبقى طريه شويه( انا بعجن بالبن)
معلقة ونص خميرة فوريه
لنجاح العجينة المقدير الجافه تتقلب مع بعض والمقادير السائلى مع بعض وتفضلى تعجنى بقى المهم تسيبها فى مكان دافى لغاية ما نعمل
حشوة السبانخ
بصل مقطع شرايح رفيعه جدااااا
زيت زيتون
سماق
سبانخ
½ كوب عصير ليمون
الطريقه نحط الزيت الزينون فى الحلة وقبل ما يسخن نحط البصل لغاية ما يدبل شوية نقوم حطين السماق وطبعا نكون غسلين السابنخ ومقطعنها واحنا بنصفيها نرش عليها شويه ملح وبعد نص ساعه هنلاقيها دبلة نعصرها من المية الى نزلت منها ونقلبها على البصل وفى الاخر نحط الليمون ونطفى عليها ونبدا بقى فى الحشو الفطاير ونعملها زى طريقة الجواب او القطايف ونكون دهنين الصنية الخبز بالزيت
ممكن نعمل كمية كبييرة وممكن نشيل بقيت العجينة فى الفريز هى والحشو
ونخبز الفطاير على درجو حرارة الفرن 180
وطبعا ممكن نشيل الفطاير فى الفريز ونطلها بليل علشان الولاد يخدها معاهم المدرسه او قبل الاكل نص ساعه كانك عملها دلوقتىىى
ليست هناك تعليقات:
إرسال تعليق