بطاطا حلو فى الفرن على طريقتى

البطاطا  فى الفرن على طريقتى

 

اليومين البرد الى بقالنا من القرن 18 مشفنهوش كنت هموت بجد عملت بقى اكلة بجد حلويات وانا فى العادة مش بعرف اعمل حلويات لان بصراحة الحلو مش بيعرف يعمل حاجة حلوة ودة طبيعى طبعاا

فعملت بطاطا فرن بس بجد غريبة وحلوة بشكل وكانت مدفايانى بطريقة تهبل ( ممكن نعمل القرع العسلى بنفس الطريقة )

نبدا بالرحمن ونقول

نجيب البطاطا ونقشرها ونحط حوالى 4/1 كوب مايه للسلق + عود قرفه + وقرنفل حسب الرغبه ونوضى عليها وهى هتنزل ميتها   شويه نحافظ على ميتها                                                                                                                                                                                                            

شويه نحافظ عليها نهرس البطاطا بعد ما استوت بالشوكة بمعلقة سمنة ومعلقتين لبن ومعلقة قشطة وبعدين نكون عملين كراميل

معلقتين عسل او سكر لغاية ما يبقو كراميل بس دهبى مش اسود نطفيهم بمعلقة زبدة او كريمة لبانى او الاتنين انا عملت بالاتنين اصل الجو كان برد هعمل ايةة

نحط الكراميل دة فى الطبق الفرن وعلية البطاطا ونقوم عملين مهلبية ( كيلو حليب كامل الدسم + عليهم معلقتين نشا ) المهم انا دوبت مع الحليب والنشا 4/1 كوب جوز هند + ماء السليق البطاطا + زبيب + ومكسرات + معلقتين سكر 4/1كوب كريمة فى الاخر خالص لما تجمد خلى بالكم ان الزبيب مسكر عموما السكر دة بقى حسب الرغبه لانى مش بحب الحاجة مسكرة كفاية الكراميل

بس هى والله ما دسمة اد ما كانت مدفايانى كنت بسخنها فى الميكرويف واكل بجد واو ولا دفاية ولالا ايةةة

داود باشا بالمشروم

وحشتونى  بجد  بس انا  بجد  تعبانه  ومكسورة  بس  بجد  بدعت لانى طبعا  اعقدة مربوطة وفموريش غير المطبخ  بردو  فى الصالح ههههههههههههههههههه

داود باشا  بالمشروم  على طريقة مرمورة

 انهردة  بقى هعملكم  حاجة  زى  كفتة داود باشا بس على طريقتى وبعدين نقلة حاجات  من احلى مجلة فى العالم فتافيت مجلتى المفضلة  نبدا بالرحمن  ونقول الخليط

كيلو  لحمة  مفرومة

(كسبرة +2/1 حزمة شبت +ملح +فلفل معلقة سمن + بصلة +جنزبيل فرش +فص تومة للريحة بس)

مشروم  بس فرش مقطع شرائح

طماطم (كونكاسية ) طماطم  توضع فى ماء ساخن  نشيل القشرة ونقطعها  وياريت  تبقى جامدة  بتبقى قليلة البذور صغير واربع ورقات ريحان

وبصلة  صغير

 الكسبرة والشبت  الخ طبعا  كل دة فى الخلاط  ضربة واحدة كدة  يتحط مع اللحمة وعوزاكوو تتدعكوو اللحمة  بجد  حلو  كانها  عجيبنة لعلمكم الطريقة دة  حلوة برضو لنجاح الكفتة  برضووو





         







ونعملها كور كدة حجمها حسب اللرغبة

ونقوم محمرين الكمية  فى  معلقة  سمنة وياريت النار عالية ونوضع على جنب فى طبق الى هيتحط فى الفرن ونقوم محمرين بصلة

شرائح  لغاية ما تتدبل وبعدين  نحط المشروم ونشوحوو  وبعدين نحطو على الكفته المتحمرة  وبعدين تشوة الطماطم مع فص توم وروزمارى او ريحان انا عملتها بريحان بجد  طعمها روعة وحطيتهاعلى  طبق الكفتة



 

 

 

 

 

 

 

 

 

 

 

 

وتقريبا معلقتين ماية وغلفتها بالفويل وحطها فى الفرن  ربع  ساعه بس كانت تجنن  قدمت معاها روز ابيض









صنية البطاطس صدور البط

بصو بقى طبعا انا كان عندى صدور بط اول مرة اجربها بس كانت مفجاه انها تجنن بجد فحبيت والله اقولكم عليها

انا كنت متبلة من قبلها بيوم وبعدين المفجاه ان وانا بقطع الصدور حسيت انها صغيرة وبعدين دة بط مش بلدى يعنى بط صغير المهم تبلتو ببصل وجنزبيل وحبهان وملح وفلفل عصير برتقال ( اذا  معندكيش عصير  برتقال  ممكن  برتقانه  عادية  تتضرب  كلها فى الخلاط  )  ومعلقة  عسل  وبعدين نحمر صدور البط فى سمن حبهان ومستكه المهم نحطها على جنب وبعدين ( طبعا اذا عندكم بط العادى البلدى وحبيبتو تعملوها نفس التتبيلة وكل حاجة وتقطعو اربع تربع بقى وتحمروا وعادى بس تخدو غلوة بقى شوية علشان و  يكمل سواه مع البطاطس )

 وبعدين نقوم مقطعيين البطاطس وبصل وتوم ونقوم مشوحينها على النار ونقوم نحط بقى على البطاطس فى البيركس مع الفلفل الرومى او الحار حسب الرغبه المهم نقوم عصير طبعا الطماطم او الصلصلة ونقوم مغلفيين بالفويل وفى الفرن يلهوىى بجد كانت الريحة غير طبيعيه بجد وفعلا طلعت صنية بط بالبطاطس غرييبة ( انا عندى حلة تبلويير العجيبه فعملت فيها )

 

وعملت معاها رز بالمكسرات الى لونه بنى

الطريقة الارز بصو بقى انا حمرت الارز بسمتى او عادى الى انتو عوزينو انا كنت عملة بسمتكو وبعدين صفيتو على ورق مطبخ الحلة الى انا عملت فيها الارز حطيت ورق لورا وحبهان ومعلقة عسل وقرفه وقرنفل وجنزبيل فرش وبصل وحمرتوو حلو

الحلووبعدين كان عندى الرقبه البطة فحمرتها معاهم وقمت حطيت المية واعقدة تغلىىىى بقى وبعدين شربت الارز من المرق دة وكان مفلفل وطعم بشكل ( اذا  حبيتو  تصفوا المرقه  من البهارات  عادى  ممكن تتصفى  مع اول غلوة )  بجد والمكسرات على الوش طبعااا

والف هنا وشفا فعلا الصورة تتدل ان الاكل كان لذيذي جداااااااااااااااااااااااااااااااااااا

انواع السمبوسك وحشواتوووووووو

حشوات متنوعه للسمبوسك الجاهز

هو مش مووضع جديد انا عرفه بس انا بقالى فترة بعملو وابنى حبو اووى الى محشى  بالجبنه  والتونه لان كان بقالهم تقريبا شهر مش بيكلو خالص فكنت بحاول اعوض اى حاجة ويكلوها وكنت نفسى بجد اعملو واشيلو فى  الفريزر معمول منعرفش الظروف نكون متاخرين فى خروجا كدا كدا المهم نبدا بالرحمن ونقول


انا بجيب سمبوسك اكتر من رائع اسمو سما يجنن بجد فى منو بالزبدة دة يدخل الفرن مش بيتحمر لانو دسم موت والعادى منو بيتحمر بعد ما جربت انواع غريبة جدااا من السمبوسك بجد دة زى بتاع الكويت بظبط والسعودية ماركة الى عليها رسمة الطباخ ومش غالية ابداااااااااااااااااااااااااااااااااا بجد



نبدا بالحشوات

حشوة لحمة


حشوة اللحمة لحمة معصجه + بسلة + بقدونس ممكن كمان نحط جزر

حشوة التونه


تونة قطع + جزر مبشور + بصل اخضر +كزبرة خضراء + زيتون اخضر مقطع او ( الكيبر ) او مخلل

ونكون مشوحين بصلة صغيرة اوى فى معلقة زيت علشان اذا حطينا البصلة نية ختعمل ريحة فى التونه واذا مش عوزين البصلة مش مهم حلو اووى كدة بس بصراحة بتتدى طعم انا جربتها فى المرتين وطبعا نتبل التونه بالفلفل الاسود المجروش ( ممكن بصل اخضر ورق بس )

حشوة الدجــــاج


صدور فراخ مفرومة متشوحه وعليهم بصلة صغيرة مفرومة تتشوح معاهم وبعدين فلفل رومى وفص واحد توم للنكهه وفى الاخر خالص كزبرة خضرا ونتبلها بقى ملح وفلفل وشة حبهان بسيط (  ممكن  كمان لوحبيبتى تحطى  معاهم  باشميل  تقيل  او   ومعاهم جبنة الى  بتحبيها  بجد  تحفه انا  عملتها  بالريكفورت  بجد تجنن   وبالهنا  )

حشوة  الجمبرى  ( ا لروبيان )  

*****  ساعات الواحد بيبقى عندو  بقيت  سى  فود  بجد  بيبقى  تحفة تعيدى  تسويتو مع  تومة وكرفس افرنجى  اذا  بلدى مش  هيقول لاء  +  جزرة  بقى  مبشورة وكارى  كل دة متشوحة ف ى الزيت  بسيط+ كزبرة  خضرا بس  كل  دة  بسرعه على النار  زى  ما  بيقولو  يشم النار بيبقى  هائل والله  اذا  روبيان  لوحدو  حلو اذا  سى فود  بجد  رائع  سمك  مقلى  وجمبرى  بس  فعلا  تفتفتية  حلو  بيبقى يجنن  وكابوريا  ممكن فرش او الصوابع  بتبقى  رائعه وعليهم  صويا  صوصو  بس التقيلة   ودوق  يا  بنات    والولاد  برضو  ياكلو  هيحبوه جدااا  وتقدم معاها  اليمون  بجد  رائعه  وهتتدعولى  بجد

 

حشو الجبنه ( انا ابنى بيموت فيها جداااااا)

1- جبنة قريش ( جبنة فلاحى ) + جبنة شيدر + جبنة براميلى + جبنة مازوريلا + نعناع او زعتر اخضر فريش + فلفل اخضر رومى


2- جبنة قريش ( جبنة فلاحى ) + جبنة شيدر + جبنه رومى مبشوره + زيتون + فلفل اخضر رومى


3- جبنة كيرى + شيدر مبشورة + جبنة براميلى + فلفل احمر رومى او زتون اخضر واوا بجد


4- ممكن بقى بجد نحمل خلطة البيتزا بتبقى تجنن والله بس اهم حاجة تكون الحاجة مفهاش مية يعنى الطماطم تكون جامدة جدااااااااااا ونحط بقى على بعض الكاتشب ومعلقة زعتر بالسمسم وفلفل الواان صغير وسوسيس مقطع صغير جداااا وجبنة موزيلا وبسطرمة كمان بس تكون محمرة وزتون اخضر لانىانا بحبو وتحشو بجد بتبقىى روعه الروعات والله وبالهنا


وطبعااا  القلى  فى  زيت عميق والوشين  لازم يبقى  دهبى زى  ما  فى الصور واذا حبينا نخزنها نرتبها بيعيد عن بعض فى كيس وبعدين نحطها فى طبق وفى الفريزر او نحطها على صنية ونتلجها فى الفريزر وبعدين نقوم حطينها فى اكياس بس بجد روعه وتفك زنقه

بفتيك رول ابنى سمها حمام بجد لان كانت شبة الحمام



 بفتيك رول ابنى سمها حمام بجد لان كانت شبة الحمام


هاى ازيكم عاملين اية عيد سعيد عليكم انا مقصرة بس بجد مش بنساكم لما اعمل اكله حلوة ببقى عوزة اوريهلكم بس البيت والكيدز بجد تعب الحمد لله

كان بقى عندى بفتيك بتلو عجيب قولت بدل ما اعملو بفتيك بقسماط وزيت كان نفسى اعملو رولات واكل معاه رز معمر وملوخية بس بجد كان يوم روعه والكل عجبهم حتى اخويا الى مش بيحب اللحمة افتكرو فراخ بجد طعمو يجننن وابنى وانا بعملو افتكروا حمام بجد روعه نبدا بالرحمن واوريكم الطريقة

• نجيب مقدار اللحمة البفتيك بتلو او كندوز براحتكم بس انا كنت عاملة بتلو نكون متبلنها من قبلها بيوم بماء بصل ملح فلفل جنزبيل فريش وشويه حبهان جوزة طيب وبهار حلو ( كبيبة صينى )

                      

• الحشو بقى كيس خضار مشكل من بتاع الشوربه وبعدين نجيب مشروم فرش برضو ونقطعو صغير انا اخدوا ضربه فى البلندر ونشوحو على نار عالية لان انا مش عوزة المية تنزل منو مع بصلة صغيرة وفص توم صغير للريحة المهم نسيبو يبرد وطبعا نتبل الخضار بملح وفلفل وحبة بهارات

• نكون نقين بقى خلت الاسنان بقالنا ساعه علشان تبقى طريه ونعرف نتحكم فيها فى قفل اللحمة

• نفرد بقى قطعه البفتيك زى ما احنا عاملين اهو فى الصورة ونحط الخشو الخضار المشكل ونقفل علية بالاعواد الخشب ( الخله) لغاية ما نخلص الكمية الموجودة عندنا وخلى باللكم الفه بس مرة واحدة يعنى اذا قطعه اللحمة كبيرة مجرد ما تبرم نقوم مقطعنها ونبدا نحشى القطعه التانية من اول وجديد فهمتو

• وبعدين نحمر بقى اللحمة بعد حشوها فى سمن وفص مستكة وحبهان لغاية الكمية ما تخلص ونقوم مقطعين بصلتين ومقلبنهم مع اللحمة ولا تتدخل بقى الفرن بورق فويل واو على البتوجاز من فوق من نفس الحلة لغاية  ما البصلة  تتدوب  بجد  واللخمة  لعلمكم  مستوية  خلاص لانها  بتلو  واذا مكنتش  نص  كوب من المية   ونضفى  فيها   فحمة  بجد واللله   كانت رائعه بس بجد الطريقة دة كانت روعه والاكلة كانت تجنن والاكل اعجب بها وكان طعهمها يجنن

وبالهنا والشفا

فراخ مرمورة المحشية بالمكسرات

ازيكم عامليين اية اخباركم انا انهردة كان مزاجى بجد رايق وقولت عوزة اعمل فراخ محشية وكنت وعدت باهر انى اعمل الرز زى بتاع فرحات بنى واترهنت انو هيطلع زى وطعموا كمان واحلى انا بعمل الحمام كدة بردو


نبدا بالحمن ونقول يا بنانييت



طبعا الفراخ حسب كم فرد احنا اتنين فعملت اتنين طبعا مش هوصيكم فى الغسيل غسلنهم ومرشناهم وصفناهم وخلاص التتبيلة برضو من قبلها بيوم بجد يا جماعه بتفرق جداا حتى اذا هتسلقوا الفراخ وتتبل قبلها بيوم وتتسلق بجد هتشربو الشربه بس بتبقى تحفه

نتبلها الفراخ بالبصل وجنزبيل وفلفل ابيض وحبهان وشويه قرفه وجوزة الطيب رشة ونتبلها ونعقدهم يستريحو يوم فى التلاجة

بعدين نجيب الارز وشويه سمنة وعلى زيت بسيط انا بحط كوبايه واحدة على الفرختين نحمرهم وبعدين نصفيهم بقى من السمن فى مصفى ونخد السمنه نحمر بقى فيها بصله صغير عليها معلقة عسل صغيرة وبعدين بشرة جنزبيل وقرفه ومستكة وحبان كل دة يتحمر بنى بسيط ( نكون نقعين بقى الزبيب او اى نوع من انواع الياميش البتفضلوة انا بحب المشمش وجربتو حلو والله ومزز فى الماية نخد الماية دة ونحطها على البصلة التحمير ونخليها تغلى شويه) ملاحظة هام انا بحب المكسرات اكتر من الزبيب وبعدين فعلشان كدة انا حطة عسل يعنى اذا بتحبو الزبيب كتير او المشمشية والقراصية كتيير بلاش العسل وتبقوا تكتروا فى الكمية المية هتعمل نفس الغرض حد فاهم حاجة انا مجربة مش بنجم معاكم يعنى )

المية بعد ما تغلى تقوم مصفينها على الارز الكوباية تشرب الارز ويبقى مندى كدة حبة ونبقى محمرين بقى المكسرات والزبيب او اى حاجة بقى انتو عملتو بيها وعلى الارز ونمسك بقى الفراخ ونحشيها بس بالعقل علشان متفرقش انا وباهر منتخانق ان الفراخ او الحمام مبيفرقعش منى مش عارف ان الستات الشطرة الكلام دة مش بيحصل معاهم المهم انا عوزة تشمو ريحة القرفة بجد منبعثه من الارز لان بجد دة نجاح الفراخ المحشية او الحمام فهمين ونحشى الفرختين فى طريقتين للتسوية

اولاللعاديه : نكون غلين المية وحطين بصل وجنزبيل وحبهان وفلفل تتبيلة الشوربة عادى وهم بضبط نص ساعه والفراخ تشيليها من الشوربة واذا عوزة شويه رز بقى اذا تبقت حشوة ابقو ادلقو ا الارز فيها الى تبقى انا بعمل كدة و بالهنا بجد بجد

ثانيا افتكاسة علبة تبلويير الجميلة : انا بقى اخر مرة عملتها فى حلة عندى بتاعت الديك الرومى مسلقتش الفراخ بس للاسف فرعقوا منى بس كانت طعهم يجنن بجد جربو الطريقة دة املو الصنية الى هتتدخل الفرن بصل كتير حلقات بالملح والفلفل وبعدالفراخ عليها والفويل  المحكم بجد وافتحو عليها بعد ساعه وممكن كوباية ماية على البصل بجد كان الارز طعمو يجنن كانو مكمور والله وهى دة  بقى كانت صورتهم  بعد  الحادث الاليم الفرقه
               

ويارب اكون انجزت وشرحت شرح بجد يعجبكمم والوانتكم  علشان تتنتبهوووا  وتعملو وتقولولو رايكم بجد

صنية السمك البلطى ومعاها ارز بالجزر

انا بحب استعمل الجنزبيل الفرش بجد لانو اثبت انو فوايدو كبيرة وكتيرة وانو بيقوى عضلة القلب ويقوى الذاكرة وحاجة فرش احسن من الماجى وبتتدى فلفير طعم فى الاكل والشورب





هعملكم انهردة صنية سمك بجد رهيبة ومعاها رز بالجزر يجنن اى خدمة

نبدا بالرحمن ونتكلم فى المواضيع


اى نوع سمك انشالا فيلة متعقدوش نفسكم انا كان عينى على سمك البلطى وكان نفسى اعملو كدة وبصراحة السمكتين كانو مزعليين عينى فجبتهم

المهم نجيب جزر وجنزبيل فرش وفصين توم وكزبرة وكرفس فرعين شبت وفجل ابيض دة  بقى اكتر من  رائع   وزيت وملح فلفل ولمون وبشر لمون  وتقطعى فلفل  الوان بقى  بيدى فلفل  طعم بردووو وانا عندى بزار روبيان ممكن تحطو وبهارات سمك بس بسيط علشان انا عوزة اظهر الكزبرة والتوم ممكن ونتبلها السمك بجد من قبلها بيوم

عوزة تحطى اى نوع خضار تحبية حطى بس انا مكنتش الغزالة رايقة وكنت عوزة بطاطس بي فخدتها على لنار حبة وبعدين اعقد عليهم السمك بجد روعه ولفتها فى الفرن وحطيت نص كوب ماية بس علشان السمك هينزل الدسم بتاعو وبعدين فى الفرن مش هقول ربع ساعه وعشرة دقايق علشان انا مش بحب السمك يبقى مستوى اووى لان بعد كدة بيبقى متفل انا بقى كبيرة خبراء اكلات بحريه بالوراثه وتفتحو وتشومو ريحة ومفيش مانه نعصر لمونه بعد لما تستوى ومعلقة زيت كدة

بالهناء بجد
الارز بقى بتاع السمك بصلى تحميرها بس لغاية ما تتبل وبعدين نحطة الجزر فص تومة مدقوق ويتلفون كدة على ابوتاج ونحط الارز انا فى العادة بعمل كوب رز ونحط الملح يخط لفتو مع الارز وبعدين نحط المايه وبالهنا الارز بيطلع فاتح مش غامق تنوع بردووووو

ومع الف هنا  وشفاااااااااااااااء يم يم 

مخلل الباذنجان ,,,,,,, والبابا غنوج

ازيكم وحشتيونى جداا الغيبه الطويلة دة بقى علشان كنت مشغولة ومغمومه من البيت والعيال ودخلنا فى دوائر رمضان يعنى انتو عارفيين المشاغل بس ساعدونى وحمسونى انى اعمل حركات وكدة المهم

انهردة انا هعمل شوية سلطات على مخلالات على درسنج( يعنى التتبيلات وانواعها بتاعت اللحمة والفراخ والسمك ) بس المهم يعجبكم بجد وتقولولى تسشلم اديكى يا مرمورة

نبدا بالرحمن ونقول

الباذنجان المخلل

 ( المخلل دة بقى ماما كانت بتعملو وبجد كان روعه وكنا على طول نحب ناكلو مع الفول او مع الباميا او البيض المقلى بعيون طبعا جريت رقيكم وبجد هو طعموا يجنن ومش هوصيكم متتفزلكوش واحترمو الرسبيه مش هوصيكم ( ولازم فلفل احمر ماما مكنتدش بتعمل المخلل دة غير بالفلفل الاحمر )

واحد كيلو با ذنجان عروسى 

4/1 فلفل احمر حار

1 راس توم

4/1 كوب ماء سلق الباذنجان

2/1 1 عصير ليمون ( مش كتير متخفوش )

الملح حسب الرغبه

بصو بقى الباذنجان يتسلق وبعد ما يتسلق نخد نص كوب ماء السليق ونكون ضربنا التوم مع الفلفل الاحمر الحار وبعدين نحطو فى طبق زى ما انتو شيفين ونحط علية ماء الباذنجان وبعدين نصف مقدار اليمون ونفتح البانجان ونبدا فى التخليل وبعدين نرص فى العلبة وبعد كدة نقوم حطين بقين اليمون على الباذنجان كلوو لغاية ما يغطية بس بجد روعه هو بقى هيتخلل كلو مع بعض بيبقى يجنن يطلع لونى بنفسجى

                                                                                    





 سلطة بابا غنوج

انهردة يوم الباذنجان العالمى بس كويس مفيد كلو حديد وبجد بيقوى المناعه عموما السلاطة دة عندنا كانى بعمل كريم كرامل لازم تكون موجودة فى التلاجة على طول لان باهر بيحبهاا جداا وانا والله بكولها ساعات كتيير بالبقسماط وحلوة وانا بعملها بطريقة بقى تجنن بجد الاول انا كنت بعمل كلو فى الخلاط بس الطريقة دة بجد هتفرق معاكم فى الطعم جدااااااااااا صدقونى

نبدا بالرحمن ونقول هنعمل ايةة

طبعا الكمية حسب كل بيت وحسب السنس برضووو

انا بعمل فى العادة

2 باننجان رومى ( ينقى خفيف الوزن علشان مش يبقى فى بذور كتيير من جوة يعنى حطية على كف ايدك كدة لقتية خفيف حلو يبقى مفهوش بذور كتيير )

بصلتين + 3 فصوص توم

التوابل ( فلفل رومى + فلفل حار اخضراو شطه + 2/1 معلقه كمون +2/1 كسبرة ناشفه +معلقه خل + +معلقه ماء )

معلقة زبادى + كوب صغير طحينه + زيت زيتون او زيت عباد شمس ( باهر بيحبو بزيت زيتون )



بصو بقى مفيش حاجة استتسهال وفزلكة الباذنجان يتشوى على البتوجاز من فوق علشان يبقى فاتح لون ميسودش الشيف الشربينى قال كدة وانا كنت بعمل فى الفرن بس بجد البوتجاز من فوق تحفه البصل والتوم برضو انا بدات اشوية برضو من فوق ( بينى بينكم هى عملية صعبه علشان البوتجاز بيتوسخ بس انا بعمل كدة ويبقى تانى يوم جيالى الى بتنظف يبقى عادى اعملو زى او حطو الشياطه حلو برضو فكرة ) بس خلى بالكم التوم لحسن ينشف منكم على النار بعد فزلكتكم

نقشر الحاجات دة كلها ونعملها باية بقى مفجاه لالا بالسكينة كانك بتخرطى ملوخية لالالا بالمخرطة وادعولى بجد

                                                          

ونروح جيبين التوابل كلها على بعض فى الخلاط ونضربهم على بعض من غير طبعا الزبادى ولا الطحينه ضربه واحدة او ندقوهم مع بعض برضوو دة برضو تعتبر دقة الكشرى الى فى الشارع

                                                                           

   


ونحطهم على بعض وبعدين نجيب الزبادى والطحينة و الزيت ونقلب كويس وخلاص بجد ادعولى لانها بجد جميلة ونحسو بالباذنجان وانتو بتكلو بجد جميل وومكن اذا مش عوزين طحينة وحركات تاكلو على انو متبل زى بتاع البنانيين بس بجد اعملو وقوليلو

 لانوووووو يجنن بجد واذا حطو فى العلبة فىالتلاجة يعيش بجد اسبوع بالهنا يا كتاكيت ودة كانت رحلتنا مع البرنجان انهردة