الاثنين، 14 مارس، 2011

سمك السردين



 السمك  السردين

انا قولتلكم اننا  زهقنا من الفراخ واللحمة بجد سمك السردين  انا زمان كلتو بس بجد انا بحبو اووى فجبتو  وعملتو فمش عوزة اقوللكم  كان  جميل ازاى يتاكل  كدة بحالوووعملتو ازاى نبدا بالرحمن ونقول

السمك حسب الكمية
التتبيلة ( جزر +كرفس افرنجى او عادى +كزبرة اكتر من الكرفس + توم بس كتير شويه +فلفل رومى + بشر ليمون +زيت عباد شمس+ بشر جنزبيل فرش + ملح + ربع كوب ليمون )
نضرب كل دة فى الكبه



وبعدين نكون منطفين السردين زى الفراخ بالملح والدقيق بس علشان الزفارة


 المهم نحشى السمك بالتتبيلة  وبعدين نرصها فى الصنية وبعدين نسولى السردين من فوق على البوتجاز نغطى بالفويل وبعد ربع ساعه  هو مش هيخد وقت يكون استوى  نكون  محضرين ربع كوب ليمون ونحطو علية بجد  طعموا كان مدمر 
وبجد بالهنا وشفا  وبيتاكل  بالعيش كدة علشان هو يعنى حاجة للتسلية  مش اكل
زى ما انتو شيفيين  كدة 
الف هنا  وشفا 

الأحد، 13 مارس، 2011

سلطة من اختراعى

سلطة من اختراعى  بجد طعهما يجنن


السلطة انهردة ممكن تكون مبتكرة او من اختراعى بس واحدة صحبتى  شوقتنى للخس الكبوتشى فقولت اعملها تقولى بتكرهى اية فى الاكل  اقول السلطة وكانت الخناقة الاساسية كل يوم مع امى الله يرحمها بسبب انى بكره اعملها وكان من النوادر انى اعمل سلطة بس من كتر ما انا بكرها لما بعملها ببدع لانى بحط كلو على بعض وبفنن بيطلع فى النهاية حلوة  فقمت من النوم على السلطة نبدا بالرحمن
طماطم / كبوتشى مقطع سلايس / خيار / جزر مبشور / بصل احمر منقوع فى خل ومصفى ومغسول / بنجر مسلوق ومقطع / فص توم / ملح / خل بلسمك / زيت زيتون / ليمون كتيير /رومان  / وجرير / فجل احمر

المحتويات دة  كلها على بعض ونقوم جيبين الطبق ونحط الكبوتشى من  تحت وتحط السلطة  بعد ما نكون قلبنها وتبلنها مع  بعض عليها  يلهوى  بجد  كانت  روعه 
والله كان طبق سلطة روعه جميل جدااااا وكانت اكلة حلوةويارب تعجبكم
ودة نهاية طبق السلطة

 

شوربة السى فود


 ازيكم  بجد  انا كنت مكتابه جدا الفترة الى فاتت ولما  قولت  ان مفيش فايدة  قولت  بقى اطلع الكبت  فى الاكل وبدانا ام المعارك وعملت  بجد  شوربة  سى  فود اكتر من رائعه  بجد  تفوقت بيها على جميع فنادق مصر وبر مصر بجد    بقى مقلكمش تجنن
نبدا  بالرحمن و قولكم  شوربة السى فود يلهوى على طعمها  بجد يميميميممييم

المكونات

بصو  بقى هى بالسنس اى بالعقل  حسب انتو بتفضلو اية اكتر ووبتحبو  يكون جواها اية
انا عملت  انهردة
كابوريا صوابع / كابوريا عادية / جمبرى بيبى / جمبرى كبير / سبيط / سمك فلية بياض ( اى نوع  سمك فلية ) / جندوفلى / بقلويز كبير



التبيلة ( كرفس افرنجى او بلدى + كزبرة خضراء + توم + جزر + بصلة )  كل دة  يتغسل ويضرب فى الكبة + بشر ليمون + بشر برتقال  +  جنزبيل فرش + ورق لاورا + حبهان



نكون منظفين  البحريات  كلها  ومقطعيين روس الجمبرى ورجلين الكابوريا ونجيب قطعتين من السمك الفلية  ونجيب بقى حلة  ونضع زبدة واهم  حاجة  زبدة ونقوم مشوين فيها الرجلين والروس والقطعتين السمك وبعدين  نحط نص التبيلة  لان هى دة الشوربة وطبعا ملح وفلفل ابيض ونسبها تغلى على نار لغاية مع تتطعم كلها  فى بعض زى الصورة كدة







ونجيب حله ونحط قطعه  اخرى من الزبدة  وبعدين نشوه البحريات مع  بعضها كلها ولعلمكم هى اصلا مش هتخد وقت  اصلا ونحط معلقة تانية  من التبيلة المشار اليها سابقا ونقلبهم على  بعض وكمان اضافة فصين توم مدقوقيين بعد ما نكون  شوهناهم نرش عليهم رشة دقيقة خفيفة طبعا حسب الكمية كانك بتحطى ملح خفيف



ونجيب الشوربة الى فيها روس الجمبرى والكابوريا ونصفيها ونخد كوب شوربة + نص حليب + معلقة صغيرة دقيق وندوبهم ونحط على البحريات  البتتشوه ونكمل تصفية الشوربة عليهم  اول ما تغلى لمدة خمس دقائق  تقوم بشرين البرتقان اليمون عليهم ونحط معلقة اخرة من التتبيلة عليهم وكريمة لبانى فى الاخر وربع كوب ليمون  وكزبرة خضراء مقطعه مع فص توم للريحة فى الاخر ونضفى على الشوربة وبجد  طعهمهااااااا دمار والله




انا معرفتش اكتب مقادير ان بصراحة كلو حسب الكمية  بتاعت البحريات والافراد
بس والله انا مش عوزة اقولهم وتحدى ان الاكلة كانت عبقريه وبشهادة جوزى  واخويا  قالولى دمرتينا وطبعا  ابنى الجميلة قالى روعه ودة  فى قرارة نفسى اهم  شهادة احب اسمعها




الخميس، 6 يناير، 2011

كشرى بقى مرمورة الفظيع بالصور

انهردة بقى  عملة كشرى  جميل بشكل واحلى من بتاع الشارع والله واجمل

بصو  فى ناس  بتقول علية  رخم وغلبة وحركات  بس والله انا مش  بحس  بكدة لان  الترتيب بيبقى مهم جداا   فى المطبخ  وفى طريقة الطبخ  وانا بصراحة  بعمل كل حاجة ويعنى بيبقى فضالى   بس الارز يتشرب فقط فبخلية تانى  يوم  بجد  بيبقى جميل  جدااااااا او  هى  كلها  وقفة  بجد بنخلص الحاجة فيها  بسرعة  بس الترتيب
نبدا  بالرحمن ونقول




 كشرى  بقى مرمورة  الفظيع  بالصور

هو عاوز تركزو ومتهوش منى  بجد  وانا مش  هكتب مقادير  كلو  بالعقل   بجد  بس مهما  اقولكم احلى من الشارع  بالمليون مرة   وبجد انا واحدة من  ناس مش  بحب الكشرى  بتاع الشارع  ابداا  فببدع فية

التجهيزات الكشرى : (  حسب مقدار كل بيت  دة مقدار بيتى انا )

1-   5بصلات  مقطع  شرائح تخينة وكبيرة فصيت  توم مقطعين شرائح ( للنكهه فقط ) ونكون رشين علية ملح  وسكر بسيط
     2- رومى + حار حسب الرغبة + توم + كوب خل + 2/1كوب ماء + 4/1
                كسبرة  +2/1  كمون + ملح ( كل دة فى الخلاط )  تبقى  الدقة
2-    الصلصه ( طماطم + فصين توم + فلفل اخضر للنكهه + ملح  + فلفل ) ودة صلصة
         الطماطم
4-   الشطة ( معلقة شطة + حبة  كوب من الصلصة الى احنا  عملناها )
5    -انواع معكرونة  ( اسباجتى + مرمرية + شعرية + اى نوع  معكرونه بتفضلية صغيره
6-   4/1 كيلو عدس بنى  + 2 كوب ارز مصرى
7-   4/1 حمص الشام منقوع 6 ساعات ومسلوق ببصلة + طماطم + فص  توم 


 الكشرى بالتفصيل المملل  وبالصور
نجيب حلة  الى ههنعمل فيها الكشرى   ونحط كوب زيت  منبخلش فى الزيت لان  دة الى هخد منو لكل حاجة  عملها 

نحمر اول  حاجة شرائح التوم لغاية ما يصفرو  والزيت يخد ريحتو  ونشيل التوم وبعدين نحمر البصل  فى الزيت العميق لغاية ما يقرب يبقى  بنى  او  اصفرونصفية على  الكلينكس






 يتصفى  وبعدين فى نفس  الزيت  تحمر الشعرية + المكرونة المرمرية  من  كل حاجة  نص كوبياية لان  هنخد نصهم مع الارز ونص التانى  واحنا  بنسلق المعكرونة
 فهمين لغاية  دلوقتى  براحة بكلم اهو
وبعدين نشيل  المعكرونة والشعريه  بالمصفى علشان نصفى الزيت  ونخد نصها  ونكون بنغلى ماية علشان نسلق المعكرونة
 ( اسباجتى + نص الى المعكرونة والشعرية المحمرة  + اىنوع معكرونة تعجبك ) + ملح خلاص
وبعد السلق نقوم مصفينها  حطين معلقة  زبدة ورشة فلفل اسود وعلى جنب برضو



تخد  حبة  زيت علشان نعمل الصلصة من البنحمر فية ونضرب ( طماطم + فصين توم + فلفل اخضر للنكهه + ملح  + فلفل ) ونسبهم  يغلو على نار وبعدين نحطهم  فى  بطرمان  ونخلية على جنب

ونفس الحاجة الدقة ( فلفل رومى + حار حسب الرغبة + توم + كوب خل + 2/1كوب ماء + 4/1 كسبرة +2/1 كمون + ملح +كوباية ليمون وياريت نرمى قشر ليمونه فيه ا بتدى  نكهه  حلوة ( كل دة فى الخلاط  لفة واحدة بس )  ونحطها فى برطمان واذا اتعملت من الصبح او قبلها بيوم  صدقنى خحف   هتبقى عملة زى بتاعت الشارع بظبط  




 نسلق حمص الشام منقوع 6 ساعات ومسلوق ببصلة + طماطم + فص  توم 

نبدا بقى الكشرى  ( العدس + الارز + المعكرونه المتحمرة  والحمص ) طبع  نجيب الحلة  بتاعت الزيت الى حمرنا  مكانها البصل  والتوم والمعكرونة  ولعلمكم الزيت  هو الى بيخلى الارز يلمع ويفلفل بس بردو بالعقل  
نحمر بصلتين فى الزي ما  يبقو بنى  وبعدين نحط العدس انا مش بنقعوا بصراحة علشان  ميتهريش ويبقى شكلو  حلو ويبقى باين كدة واحدة وبواحدة ووبعدين  يتحمر مع البصلة شويه وعليهم معلقة معجون صلصة كبيرة وبعدين كوبينن  ماية + 4/1 معلقة كمون  يشربهم العدس  نقوم  حطين  كوبيتين الارز عليهم بقيت المعكرونة المتحمرة  هى والشعرية  وبعدين نفلبهم على النار مع بعض شويه براحة ونرش شوية  ملح بقى  ( انا مرشتش علىالعدس علشان ميكشش منى ويخد سوا )  و نحط ماية بس منزودتش ماية  علشان تبقى الارز متفلفل ومننساش ان فى معكرونة هتستوى معاهم  يعنى  اذا فى العادة الارز  بيخد كوبيتين نحط مثلا  كوب الا ربع







وبجد الطبق النهائى بتبقى عوزة تكلى  طبقين واتنين وعشرة طعموا جميل  ويجنن

طريقة عمل السمك السالمون الفرش


هاى  ازيكم  اخباركم اية  فى السقعه دة  بجد  حاجة ايةةة مش ممكن


انهردة  بقى  عوزين  نتكلم على السمك السلمون  الفريش
 انتو عارفين انا  بحب  الاى  حاجة  طلعه من البحر  وبجد انا من  بعد  ما قريت  عنو وعن فوايدو  بجد  مش ممكن اقطعو من البيت  وكمانم السمك الماكريل ادية حلو بس المشكلة انو لازم  يتعمل بلحظتها وسمك التونه الفرش  برضو  دة  بيحتو على نسبة  كبيرة من الفسفور واوميجا 3 وبصراحة  سمك السالمون اد ية  رائعه وطعمو  حلو حتى  لما بيبرد يتعمل سندوتشات بالمايونيز  والخس  جميل جدااااااا

نسمى  بالرحمن  ونبدا نعمل الاكل دة

طريقة عمل  سمك السالمون الفريش


 سمك السالمون  بالخضار ( انا  بجيبو والقطعه  يعنى  ببقى  عوزة 6 قطع)
لان هى  سمك  كبيرة جداا وغير كدة  يعنى انا  بجيب لاكلة واحدة حسب عدد  الافراد  الاسرة  متهيالى حلو هو بيتعمل بكذا طريقة ان  هقولكم  طريقيتن

·        (كسبرة مقطعه + 6 فصوص توم + فنجال عصير ليمون +ملح + رشة قرفة + معلقة  زيت  زيتون )
نتبل بية السمك  وانتو  عارفين انى  بحب اسيب الحاجة فى تتبيله كتيير المهم بعد 
ونجيب جريل او  طاسة ونسخنها اووى على  نار ونعمل بقى عليها  سمك السلمون على الناحيتين  بيبقى  بجد رائع ونكون مسخنين فحمة ونقوم مطفينها بية  بجد  بجد اكتر من رائع  بجد  ومهما اقولكم  فظيع ونطفية  بلمونه بقى مع الفحم
واذا بقى تبقى منكم  سمك ممكن  بيتعمل سندوتشات بالمايونيز  اكتر من رائع   والله ومع  عصير اليمون
يممممممممممممممممممم يمممممممممممممممممممممممم



 الطريقة التانية برضة
نكون متبلين السمك (كسبرة مقطعه + كرفس بسيط ورقتين بس للريحة + 6 فصوص توم + فنجال عصير ليمون +ملح + معلقة  زيت  زيتون + كيس خضار مشكل او اى  خضار  تفضلية )


     
ونحط فى الصنية بقى بتاعت الفرن  ونحط من فوقه الخضار  ونغلفها فى الفيل وبجد مفيش ربع ساعه  ونطلعووو  بجد  وانتو بتكلو كانكم بتكلو فى المطعم حاجة بجد  جميلة  جداااااااااا وبقدمو مع رز ابيض  بجد  مفيش اروع من  كدة



                            ودة بيبقى الشكل  الطبق  نهائى بجد  جميل  ولا مش جميل

الخميس، 23 ديسمبر، 2010

بطاطا حلو فى الفرن على طريقتى

البطاطا  فى الفرن على طريقتى




 
اليومين البرد الى بقالنا من القرن 18 مشفنهوش كنت هموت بجد عملت بقى اكلة بجد حلويات وانا فى العادة مش بعرف اعمل حلويات لان بصراحة الحلو مش بيعرف يعمل حاجة حلوة ودة طبيعى طبعاا

فعملت بطاطا فرن بس بجد غريبة وحلوة بشكل وكانت مدفايانى بطريقة تهبل ( ممكن نعمل القرع العسلى بنفس الطريقة )


نبدا بالرحمن ونقول



نجيب البطاطا ونقشرها ونحط حوالى 4/1 كوب مايه للسلق + عود قرفه + وقرنفل حسب الرغبه ونوضى عليها وهى هتنزل ميتها   شويه نحافظ على ميتها                                                                                                                                                                                                            
شويه نحافظ عليها نهرس البطاطا بعد ما استوت بالشوكة بمعلقة سمنة ومعلقتين لبن ومعلقة قشطة وبعدين نكون عملين كراميل
معلقتين عسل او سكر لغاية ما يبقو كراميل بس دهبى مش اسود نطفيهم بمعلقة زبدة او كريمة لبانى او الاتنين انا عملت بالاتنين اصل الجو كان برد هعمل ايةة



نحط الكراميل دة فى الطبق الفرن وعلية البطاطا ونقوم عملين مهلبية ( كيلو حليب كامل الدسم + عليهم معلقتين نشا ) المهم انا دوبت مع الحليب والنشا 4/1 كوب جوز هند + ماء السليق البطاطا + زبيب + ومكسرات + معلقتين سكر 4/1كوب كريمة فى الاخر خالص لما تجمد خلى بالكم ان الزبيب مسكر عموما السكر دة بقى حسب الرغبه لانى مش بحب الحاجة مسكرة كفاية الكراميل





















بس هى والله ما دسمة اد ما كانت مدفايانى كنت بسخنها فى الميكرويف واكل بجد واو ولا دفاية ولالا ايةةة

داود باشا بالمشروم

وحشتونى  بجد  بس انا  بجد  تعبانه  ومكسورة  بس  بجد  بدعت لانى طبعا  اعقدة مربوطة وفموريش غير المطبخ  بردو  فى الصالح ههههههههههههههههههه

داود باشا  بالمشروم  على طريقة مرمورة





 انهردة  بقى هعملكم  حاجة  زى  كفتة داود باشا بس على طريقتى وبعدين نقلة حاجات  من احلى مجلة فى العالم فتافيت مجلتى المفضلة  نبدا بالرحمن  ونقول الخليط


كيلو  لحمة  مفرومة
(كسبرة +2/1 حزمة شبت +ملح +فلفل معلقة سمن + بصلة +جنزبيل فرش +فص تومة للريحة بس)

مشروم  بس فرش مقطع شرائح

طماطم (كونكاسية ) طماطم  توضع فى ماء ساخن  نشيل القشرة ونقطعها  وياريت  تبقى جامدة  بتبقى قليلة البذور صغير واربع ورقات ريحان
وبصلة  صغير
 الكسبرة والشبت  الخ طبعا  كل دة فى الخلاط  ضربة واحدة كدة  يتحط مع اللحمة وعوزاكوو تتدعكوو اللحمة  بجد  حلو  كانها  عجيبنة لعلمكم الطريقة دة  حلوة برضو لنجاح الكفتة  برضووو





         




ونعملها كور كدة حجمها حسب اللرغبة
ونقوم محمرين الكمية  فى  معلقة  سمنة وياريت النار عالية ونوضع على جنب فى طبق الى هيتحط فى الفرن ونقوم محمرين بصلة










شرائح  لغاية ما تتدبل وبعدين  نحط المشروم ونشوحوو  وبعدين نحطو على الكفته المتحمرة  وبعدين تشوة الطماطم مع فص توم وروزمارى او ريحان انا عملتها بريحان بجد  طعمها روعة وحطيتهاعلى  طبق الكفتة







 
 
 
 
 
 
 
 
 
 
 
 







وتقريبا معلقتين ماية وغلفتها بالفويل وحطها فى الفرن  ربع  ساعه بس كانت تجنن  قدمت معاها روز ابيض